Egilea: Txapa
Sasi guztien azpitik:Bergarako jaiak eta Gure esku dago
Ostegun honetan, Ekainak 5 arratsaldeko 19:00etan irratsaio berezia egingo dugu Irala kalian.
Bergarako jaien eta Gure esku dago ekimenaren inguruan hitzegiteko hainbat gonbidatu izango ditugu,bertan montauko dogun irratian.
Ekainaren 8an jarraitu Gure Esku Dago ekimena Arrosa sarean
Arrosa irrati sarearen bitartez ekainaren 8an Gure Esku Dago ekimenaren zuzeneko jarraipenaz gozatu ahal izango dugu Txapa irratian. Euskarazko irratiak elkartzen gara Arrosan, eta guztion artean Euskal Herri osora ekoiztutako irratsaioa prestatzen ari gara. Bertan goizean goizetik zuzenean jarraitu ahal izango da giza katea.
Martin Garitano Gipuzkoako ahaldun nagusia elkarrizketatuko dugu ostegunean arratsaldeko 18:30ean
Irratsaio berezi baten baitan Gipuzkoako ahaldun nagusi den Martin Garitano Bergaran izango dela baliatuta, osteguna, maiatzak 29, arratsaldeko 18:30ean zuzenean elkarrizketatuko dugu bergararra Txapa irratian. Irratsaioaren errepikapena gaueko 22:00etan igorriko da.
Egubakoitzak kartzelan kontzertu zikloko kontzertu guztiak Txapa irratian
Ohikoa da Txapa irratiak kartzela zaharrean antolatzen dituen kontzertuak irratitik igortzea. Saiatzen gara ere guk antolatuak izan ez arren, gainontzeko gaztetxeko kontzertuak ere irrati bitartez eskaintzen, eta horren adibide izango da maiatza.
Arrosa sareko jardunaldietan izan gara
Hainbat arloetan urteen poderioz metatutako jakintza eta esperientzia irration artean elkarbanatu genuen atzo Arrosa irrati sareko hirugarren jardunaldietan. Lehena etxean, Bergaran, izan zen, bigarrena Zarautzen, eta atzokoa Gernikan, bertako Astra kulturarako fabrika sozialean.
Martxoaren 29an Arrosa irrati sarearen jardunaldiak izango dira Gernikan
Euskal Herriko hogei irrati baino gehiago biltzen dituen Arrosa sareak, azken urteetako ohiturari eutsiz, “ Euskal Herrian bada zer entzun” lelopean, irration topagune izan nahi duten jardunaldiak antolatu ditu aurten ere. Bergaran eta Zarautzen ospatuko genituen lehen bi edizioak eta hirugarrena, Gernikan izanen da, martxoaren 29an, Astran.
Martxoak 14: Joseba B. Lenoir + Niña Coyote eta Chico Tornado gaztetxean
Ez galdu aukera, etorri martxoaren 14ean Kartzela Zaharrera, bertan Joseba B. Lenoir bakarlaria eta Niña Coyote eta Chico Tornado taldea izango dugu gurekin. Gaueko 22:30ean hasiko da kontzertua, eta 4€ko sarrera izango du ekimenak. Oraindik esan eta entzuteko asko dugulako, gerturatu Txapa irratiaren kontzertuetara!
Bergara sutan #15 urtarrila-otsaila
Gabonetako eta urtarrileko balorazio azkar batekin hasi gara irratsaioa, ondoren urte osoko ekintzak gogorarazi ditugu eta azkenik otsaileko ekintzak aurkezten amaitu dugu saioa. Entzun eta jakin zer gertatu den, gertatzen ari den eta gertatuko den kartzela zaharrean!
Podcast: Play in new window | Download